![Leikrit_BG[103780]_edited.png](https://static.wixstatic.com/media/9213c0_146ee05b629e49c1aea636237f521ddb~mv2.png/v1/fill/w_421,h_417,al_c,q_85,usm_0.66_1.00_0.01,enc_avif,quality_auto/9213c0_146ee05b629e49c1aea636237f521ddb~mv2.png)
Leikritahandrit
_edited.png)
Dómnefnd á vegum Borgarleikhússins fær afhend handritin án persónurekjanlegra upplýsinga og velur efnilegustu leikritahandritin
sem flutt eru á sviði Borgarleikhússins. Það eru nemendur á lokaári Leiklistarskóla Borgarleikhússins sem leika og listrænir stjórnendur sýninganna eru starfandi listamenn við Borgarleikhúsið. Börn sem eiga sigurhandrit fá að fylgjast með æfingaferlinu. Ferlið hefst á því að þau eru boðuð í vinnusmiðju með leikstjórum þar sem handritin eru unnin áfram. Næst eru þau boðin á fyrsta samlestur með leikurum og eru að lokum boðin á sýninguna sjálfa.
Börnin sem eiga sigurhandritin fá Svaninn, verðlaunagrip Sagna, sem veittur er á Sögum - Verðlaunahátíð barnanna í beinni útsendingu hjá RÚV að vori.
Hér að neðan er hægt að horfa á myndbönd og skoða myndir frá sýningum, njótið vel!
Sigurhandrit 2023 - 2024:
Anna og óveðrið
Handritshöfundur: Þórunn Erla Gunnarsdóttir.
Leikritið Anna og óveðrið fjallar um Önnu sem býr í Skýjaborg.Hún fer með vinum sínum yfir í Brælubæ til að stoppa Storm. Stormur stýrir veðrinu og vill alltaf hafa storm.
Dagbókin
Handritshöfundar: Bryndís Eir Sigurjónsdóttir, Bryndís Karlsdóttir Schram, Katla Einarsdóttir og Vigdís Brynjólfsdóttir.
Leikritið Dabókin fjallar um tvær vinkonur sem finna dagbók uppi á háalofti. Í dagbókinni er sagt frá því hvernig hægt er að sá álfa og huldufólk. Álfarnir frétta af þessu reyna að hindra þær í að segja frá Dagbókinni, því annars eru þeir ekki ósýnilegir meir.
Miðvikudaginn 25. október 2023 voru Anna og óveðrið og Dabókin flutt á sviði Borgarleikhússins við frábærar undirtektir.
Nemendur á lokaári í Leiklistarskóla Borgarleikhússins ljáðu persónum verkanna líf undir dyggri stjórn Ylfu Aspar Áskelsdóttur og Bergdísar Jóhannsdóttur.
Sigurhandrit 2022 - 2023:
Dularfulla húsið
Handritshöfundar: Emilía Sif Sigþórsdóttir og Karítas Rós Jensdóttir
Leikritið er um dularfullt hús. Börn fara úr skólanum til að kanna húsið og finna út að inni í húsinu er ekki allt eins og það á að vera.
Leyndardómur jarðaberjanna
Handritshöfundar: Sesar Ólafur Stefánsson og Sunna Stella Stefánsdóttir
Leikritið er um jarðaberjaálfa sem lenda í ævintýrum. Einn daginn festast þeir og verða stórar fullvaxta manneskjur.
Miðvikudaginn 17. nóvember voru Dagbókin og Leyndardómur jarðaberjanna flutt á sviði Borgarleikhússins.
Nemendur á lokaári í Leiklistarskóla Borgarleikhússins ljáðu persónum verkanna líf undir dyggri stjórn Emelíu Antonsdóttur Crivello.
Sigurhandrit 2021-2022:
Álfrún álfkona
Handritshöfundur: Oktavía Gunnarsdóttir
Álfrún álfkona fjallar um tvær vinkonur sem lenda í skrautlegum ævintýrum þegar þær flækjast inn í helli sem reynist heimili danselskandi diskó-álfa. Stúlkunum reynist þrautinni þyngra að sleppa burt áður en þeim verður breytt í stein.
Undarlega eikartréð
Handritshöfundar: Rannveig Lovísa Guðmundsdóttir og Valentína Rún Ágústsdóttir.
Í Undarlega Eikartrénu fylgjumst við með vinum sem þurfa að sýna mikið hugrekki þegar þau lenda í landinu Lingklang þar sem vond norn hefur tekið völdin og þegnar landsins þurfa hjálp við sigra hana.
Miðvikudaginn 17. nóvember voru Álfrún álfkona og Undarlega eikartréð flutt á sviði Borgarleikhússins.
Nemendur á lokaári í Leiklistarskóla Borgarleikhússins ljáðu persónum verkanna líf undir dyggri stjórn Ylfu Aspar Áskelsdóttur og Bergdísar Jóhannsdóttur.